facebook

Skitour auf den Hoch Fulen (2506 müm)

Von: Lara Balzer 15.03.2021 00:00
Skitour auf den Hoch Fulen (2506 müm)

Gern stelli eu hüt wieder es wunderschöns Skitüürli vor. Dasmal het mich d Tour uf Uri glockt. Passend zum Standort, möcht ich eu d Tour zum erste Mal uf Schwiizerdütsch vorstelle :)

Vill Spass bim lese!

Die Tour

Hoch_FUlen.jpg

Gsartet hemer d Tour z Unterschäche. Am Afang gaht's paar wenigi Meter de Strass entlang, bis me rechts cha abzwiige und ca. 90 Minute lang gmüetlich em Bächli entlang richtig Bergketti lauft. Bevor de ersti steili Astieg chunt, chame sich bim chline Berghüttli nomal stärche - det gits Take Away :)





Nach ungefähr einere Stund wirds wieder flacher und me cha de Gipfel vom Hoch Fulen (2506 müm) scho erahne.

Hoch_FUlen31.jpg

Bim chliine Pässli gahts rechts uf de Gipfel. D Tour hett guet 1500 Höhemeter - mit 4 bis 4.5 Stunde Ufstieg söttender rechne, willme no e rechti Distanz zruggleit.

Dobe acho, chönder e geniali Ussicht uf die wunderschöni Urner Bergwelt gnüsse und eu uf e schöni Abfahrt freue. Mir sind ziemli det abegfare womer ufe sind - immer uf de Suechi nach paar unverfahrene Spuure :D Nachem Hüttli und nere chline Stärkig simer denn aber ufde andere Bachsiite abe, willme det meh Platz hett zum abefahre.




Ich bin letzti selber dobe gsi und cha eu die Tour nur empfehle.




Bitte beachtet wie immer z Lawinebulletin, demit Ihr au sicher unterwegs sind. Und gnüüüüssends!



Grüessli

Lara

Hoch_FUlen2.jpg

Schnee hets no gnueg ufem Gipfel :)

In unserem Blog finden Sie noch weitere interessante Informationen

Ihr Gruppenhaus.ch Team

Tags: Winter